So er hon komin! Nýggja skaldsøgan hjá Rakel Helmsdal, sum gongur fyri seg í eini framtíð ikki so langt frá hesari, í 2036 í Føroyum.
Úr sjónarhorninum hjá fýra kvinnum millum 22 og 89 ár hoyra vit um eitt samfelag, sum er farið av lagið vegna herjandi farsóttir og valdsmisnýtslu.
Ber til at finna orsøkina til tað óhugnaligu dreymsóttina, sum hevur rakt onkran í næstan hvørjari familju í landinum?
Ber til at berjast móti stjórnini, sum heldur allar borgarar í sera stuttum tráði? Alt kann verða ein ólóglig og strafbar gerð, tað er næstan ikki til at vita frammanundan og “Einglarnir” – nýggju yvirlitsdronurnar – síggja teg allastaðni.
Í eystri er nú ein heilt, heilt veik rond av ljósi.
“Kom, vit mugu ganga skjótari,” sigur Agnas knappliga. “Koma vit ikki yvir um Lambafelli, áðrenn tað av álvara lýsir, kunnu vakmyndatólini saktans varnast okkum.”
Vit seta ferðina upp. Tað ber ikki longur til at njóta løtuna, bara ganga so skjótt vit orka. Lættari og lættari er nú at síggja, hvar vit traðka.
Ov lætt.
Tað er til at gráta um, at sólin er fíggindi okkara.
Skaldsøgan kom út 24. august á tiltakinum Orð & Tónar á Reinsarínum. Sprotin gav bókina út.
Permumyndina hava Gwenaël Akira Helmsdal Carré, Rakel Helmsdal, Vár Bech Árting og Mariann Ivansdóttir Klein gjørt.
Rakel Helmsdal’s new novel has been published. The title is Dreymsótt (Dream Death), and it is a story about the Faroe Islands in a dystopian future, which none of us want to experience, but which nevertheless does not feel completely incredible.
The year is 2036 and after several pandemics the goverment has completely isolated the Faroe Islands from the outside world in the name of protecting the people.
Now there is a vague streak of light in the east.
“Come, we have to walk faster,” Agnas says suddenly. “If we don’t get past the mountain before daybreak, the surveillance cameras will definitely notice us.”
We go faster. There is no time to enjoy the moment, just to walk as fast as we can. It is easier and easier to to see, where we’re treading. Too easy. It’s terrible, that the sun is our enemy.
Cover is by Gwenaël Akira Helmsdal Carré, Rakel Helmsdal, Vár Bech Árting og Mariann Ivansdóttir Klein.
The book is published by Sprotin