Kenn tínar persónar, sum tínar bestu vinir

Rói og eg hava nú lagt skrá fyri spennandi vikuskiftið, sum verður á Føroya Listaháskúla tann 11. til 13. juli.

Enn er skeiði ikki fullteknað, so tú sum brennur eftir at skriva frálíkar søgur, har persónarnir eru so livandi, at lesarar tínir minnast teir restina av lívinum, kanst enn skunda tær at senda teldupost til haskulin@haskulin.fo ella listahaskuli@gmail.com.

LivaSkriva 2

Kenn tínar persónar, sum tínar bestu vinir.

11. – 13. juli á Háskúlanum.

Annað av 4 skrivivikuskiftum

Kostnaður: 1800 kr.

Vistarhald íroknað.

Lærarar: Rakel Helmsdal og Rói Patursson

tekning: haskulin@haskulin.fo el. listahaskulin@gmail.com

stað: Føroya Fólkaháskúli, Háskúlavegur 14, Tórshavn. Tlf. 311743.

Skeiðslýsing:

Hvussu gert tú fiktivar persónar so livandi, at tú heldur, at tú hevur hitt tey fyrr?

Persónarnir í søgum okkara eru eygu lesarans. Tú, sum skrivar, skalt vita, hvussu og hvat hesi eyguni síggja.

Á skeiðnum arbeiða vit við at menna persónarnar í søguni, fáa innlit í, hvussu vit koma longur inn í teir fiktivu persónarnar og gera teir veruligar.

Vit læra tey at kenna, so vit vita, hvussu tey uppliva hesa søguna, sum vit hava rent tey inn í. Vit læra okkum at elska tey sum okkara bestu vinir, og kortini at vera ónd við okkara kreatiónir, at taka lívið av teimum um neyðugt og geva teirra uppgávur til onnur. Vit fara gjøgnum allar verðsins ræðuleikar saman við teimum, uppliva tað, tey uppliva við okkara egnu kenslum.

Arbeiðsháttur: 

Vit arbeiða bæði hvør sær og í bólkum. Tveir høvundar leiða vikuskiftið, men vit fáa eisini áhugaverdan gest at geva okkum inspiratión.

Fyri hvønn?

Hetta er bæði fyri leik og lærd. Tey, sum eru von at skriva, fáa eitt skump og ein nýggjan vinkul og tey, sum júst eru byrja, fáa hjálp at seta ferð á og leypa upp frá.

Krøv til luttakarar:

Hvør luttakari skal hava ein tekst við, har minst 2 persónar eru í. Tað nýtist ikki vera ein liðug søga, bara ein góð byrjan.

Skrá 11. – 13. juli 2014

Fríggjakvøld:

kl. 18                      Koma + drekkamunnur
kl. 18.20                 Presentatión og framløga um týdningin av at hava góðar persónslýsingar
kl. 19.30                 Nátturi
kl. 20                      Skriviupphiting + byrjandi útgreingin av persónunum í søgunum, ið luttakararnir hava við á skeiði.
kl. 21.30                 Drekkamunnur

Leygardagur:

kl 8                         Morgunmatur
kl. 9                        Framhaldandi arbeiði við persónunum
kl. 10                      Bólkarbeiði um persónar
kl. 12                      Døgðuri
kl. 12.45                 Spákingartúrur
kl. 13.45                 Skriving í bólkum
kl. 15                      Drekkamunnur
kl. 16-18                Upplestur og prát
kl. 19                      Nátturi & kvøldseta við gestaframløgu

Sunnudagur:

kl. 8.30                   Morgunmatur
kl. 9.15-12              Skriving hvør sær
kl. 12                       Døgðuri
kl. 13-14.30            Skriving framhald
kl. 14.30                  Drekkamunnur og framløgur
kl. 16                        Fráferð

Um tit hava nakrar spurningar viðv. skeiðnum, kunnu tit spyrja Rakel (216596, rakel(kurla)helmsdal.fo) ella Róa (220017, haskulin(kurla)haskulin.fo). Um tit hava spurningar, sum viðv. gjalding ella gisting o.l. kunnu tit spyrja á Háskúlanum (311743, 211743, haskulin@haskulin.fo).

Vit gleða okkum at síggja tykkum!!

Blíðar heilsur Rakel og Rói

P.S.: Tær 1800 kr skulu gjaldast á kontoina hjá Háskúlanum 6460–1518803 áðrenn skeiði byrjar.