Hevur TÚ hug at sleppa á rithøvundaskúla í Svøríki?

Nú stendur øllum føroyingum millum 15 og 19 í boðið at kappast um 3 pláss á høvundaskúla fyri ung ein heila viku í Svøríki í summar.

2.-8. august 2015 bjóðar Nordens folkhøgskole á Biskops-Arnö í Svøríki skrivihugaðum ungum millum
15-18 ár úr øllum norðurlondum til norðurlendskan rithøvundaskúla fyri ung. Skeiðið er ókeypis, og heilir sjey norðurlendskir rithøvundar skipa fyri vikuni á tremur við lesing, skriving, tekstsamrøðu og høvi at hitta onnur ung. Undirvísingin fer fram á skandinaviskum máli og enskum.

Hetta er eitt serstakt høvi hjá tær, sum hevur hug at skriva, og sum leingist eftir at hitta onnur við somu
dreymum og áhugamálum.

Tað einasta tú skalt gera fyri at hava ein møguleika, er at skriva eina umsókn innan umsóknarfreistina 12. apríl 2015.
Umsóknin skal innihalda:

• Ein tekst, 1-2 A4-síður, sum tú sjálv(ur) hevur skrivað. Tema: “Eg – ein rithøvundur”.
• Navn
• Adressu
• Telefonnummar
• Teldupostadressu
• Foreldur (um tú ikki er fylt(ur) 18 ár)

Umsóknin skal sendast til: forfattarskolan.unga.arno@folkbildning.net

ÓKEYPIS AT LUTTAKA
Rithøvundaskúlin fyri ung er ókeypis. Undirvísing, ferðakostnaður, matur og gisting verður goldið av Norðurlendska Ráðharraráðnum, sum hevur sett sær sum mál at stuðla barna- og ungdómsbókmentir. Tað einasta, sum tú sjálv(ur) skalt hava við, er lummapengar.

Her er pdf-faldarin við øllum upplýsingunum um skúlan: nffu_2015_foroyskt 2

Jórunn Maria, Alda og Vár

Høvundaskúlin er ein ógloymandi hending. Tær tríggjar Jórunn Maria Dalsgaard, Alda Sigurdsdóttir Lamhauge og Vár Fossdal Sjóðklett vunnu hendan møguleikan á skrivikappingini fyri 9. flokkar í fjør, og saman við hinum 27 ungu úr norðurlondum søgdu tær, at hetta var ein tann besta upplivingina í lívinum.

Her er ein myndarøð frá vikuni í fjør, sum kann geva eitt lítið innlit í skúlagongdini.