Bílegg eina marionettsýning

Karavella Marionett-Teatur hevur í løtuni leikin SKRÍMSLALÍV á skránni. Les um leikin við at tøppa á myndina.

Til ber at bíleggja sýningar út á tykkar stovn/skúla/fyritøku.

Bílegging:

Hevur tú hug at bíleggja eina ella fleiri sýningar av SKRÍMSLALÍV, kanst tú seta teg í samband við Karavella Marionett-Teatur her:

Karavella Marionett-Teatur
att: Rakel Helmsdal
handan Á 3B
100 Tórshavn
tlf: 316596/216596
t-postur: rakel(kurla)helmsdal.fo

Um ferðandi leikhúsið:

Karavella Marionett-Teatur er eitt ferðandi leikhús og tí ber til at bíleggja eina sýning út nærum allastaðni í landinum.

Leikhúsbilurin í Hvalba

Karavella á ferð:

Karavella Marionett-Teatur kann koma út á tykkara skúla, stovn ella fyritøku. Hjá tykkum krevst bara eitt rúm, sum kann myrkaleggjast. 
Av og á ber eisini til hjá tykkum at koma til okkara. Leikhúsið hevur í ávísum tíðarskeiðum innivist í væl egnaðum hølum í Havn. Vitja aftur á heimasíðuna at vita nær hesi eru ella nær almennar sýningar eru á skrá.

Karavella í musikkskúlanum í Sørvági

Hent at vita:

• Høli á stødd við vanliga skúlastovu kann nýtast. Tó ongantíð lægri til loftið enn uml. 2,5 m.
• Hølið má kunna myrkaleggjast. (Saknast myrkaleggingartjøld, ber til at nýta svartar plastposar. Karavella Marionett-Teatur átekur sær ikki myrkaleggingina.)
• Ein vanlig streymkontakt má vera tøk.

Karavella í Pakkhús 4

Prísur:

• 3500 kr fyri hvørja sýning

G.G:

• Tvær sýningar kunnu verða um dagin (í serligum førum tríggjar). 1 til 1½ tíma millum sýningarnar.
• Til ber t.d. at fleiri stovnar (t.d. skúli og dagstovnur) bíleggja sýningar saman.
• Karavella Marionett-Teatur vitjar allastaðni, har til ber at koma við leikhúsbilinum.